Hovudside Program Konsertar Småfolk 7: Silje åleine
Facebook Instagram

Småfolk 7: Silje åleine

lørdag 14. juli, Valdres Folkemuseum, Fagernes
17.00 Vis i kart Konsert

Silje Åleine - ei forestilling for born

Silje leikar åleine. Ho likar å vere åleine, men ho likar det ikkje sååå godt heller. Og ein dag får ho besøk av sjølvaste Merete Morskogen. - Den beste venninna du kan ha!

Silje Onstad Hålien er dansar, skodespelar og koreograf. Ho er oppteken av å bruke det folkelige materialet innen musikk og dans i eit samtidig uttrykk. 

Silje Åleine er ei forteljing om barndom som mange vil kunne kjenne seg igjen i. Den handlar om «Silje» som barn, som er mykje åleine. Ho er skulejente, men om ettermiddagane leiker ho åleine blant leikestativ i ein barnehage som er stengt.

Sjølv om «Silje» har det fint i si eiga lille verd, der ho har sine magiske leiker og små ritual kjenner ho seg etter kvart meir og meir einsam, og ynskjer veldig at nokon andre barn vil kome. Og ein dag kjem «Merete Morskogen». Merete, som ingen andre kjenner til, og som berre Silje har møtt. Dei leiker i lag, men snart går leiken over i konkurranse, og den blir hardare og hardare.

Silje Åleine er ei soloforestilling om einsemd, vennskap og fantasiens makt og om å bli ven med seg sjølv. Ei forestilling der musikk, dans, sang, forteljing og skodespel har like stor plass. Ei leiken forestilling om eit alvorleg tema, full av fart, humor, varme og poesi og nokon triste augeblikk.

Målgruppa er fyrst og fremst barn frå 4 til 10 år, men forestillinga passar for alle.

Forestillinga er ein nyproduksjon frå Riksscena, skapt i samarbeid med dramatiker Jesper Halle og støtta av Fond for utøvande kunstnarar.

Musikalsk ansvarleg er Selma Bolstad.                                                       

Lysdesign av Sture Moslåtten.

 

Velkomen!

Foto: Ingvil Skeie Ljones

NB! Det krevst ikkje eigen billett for å høyre denne konserten, men du lyt løyse ut billett til laurdagskvelden på museet. Hugs å møt opp tidleg om du skal vere sikra plass på konsertane inne på området.

Billett her: Laurdagkveld