Hovudside Strunkeveko Ministrunken – kvalitetskurs for dei yngste
Facebook Instagram

Ministrunken – kvalitetskurs for dei yngste

Valdres Folkemuseum er den idylliske arenaen for todagarskurset «Ministrunken» for barn i alderen 6–11 år. Påmeldinga til Ministrunken vart stengt 1. juli, og alle kurs er fyllt opp!

Onsdag og torsdag (10.-11. juli 2019) under Jørn Hilme-stemnet står song, dans, hardingfele, fele, langeleik og toradar på planen frå klokka 10 til 15.

Medan dei vaksne kan oppleva museet, eller utforske Valdres på eiga hand, er dei trivelege stovene på museet kursarena for Ministrunken. I tillegg til kursinga er det fleire fellesøktar med leik og moro utandørs på museumsområdet.

Torsdag får Ministrunkane sjølve halde konsert. Her får dei høve til å vise fram kva dei har lært på kurset – ein verkeleg publikumsvinnar! 

Å vera med på Ministrunken kostar 800 kr, noko som inkluderar mat, instruksjon og konsertar.

Ikkje gamal nok til Ministrunk? Fortvil ikkje! Frå 11:30-13:00 onsdag 10. og torsdag 11. juli står folkemusikalsk leik, dans, song og moro på timeplanen for dei i alderen 3-5 år. 

 

Timeplan for Ministrunken 2019

 

 

Onsdag 

09.45 – 10.00 Oppmøte og registrering

10.00 – 10.30 Presentasjon av lærarane / fellesdans

10.30 – 12.00 Instruksjon

12.00 – 12.30 Mat / frileik

12.30 – 13.00 Felles leik og aktivitet

13.00 – 14.30 Instruksjon

14.30 – 15.00 Konsert «Edith» med Johanne Mjøs og Jon Bugge Mariussen

 

Torsdag 

10.00 – 10.30 Oppmøte og fellesdans

10.30 – 12.00 Instruksjon og minikurs-rytmikk i folkemusikk

12.00 – 12.30 Mat/frileik

12.30 – 13.00 Felles leik og aktivitet

13.00 – 14.00 Instruksjon og minikurs-rytmikk i folkemusikk

14.00 – 15.00 Avslutningskonsert, her er det elevane som held konserten! Teltet

 

 

Ministrunken har plass til omlag 45 elevar, og har vore fulltegna dei siste åra. Det blir kurs i fele, toradar, langeleik, hardingfele, dans og song. Har du spørsmål? Ta kontakt med leiar@strunkeveko.no 

Påmeldinga er open! Sjå dei ulike kursa her: