Konsertar 2017

Både elevar og lærarar står på scena fleire gonger under Strunkeveko. Billettar kan både kjøpast på i døra. Konsertane i 2017 var:

 

30. juli: Huga er tema og tittel for lærarkonserten på Strunkeveko, og det er med andre ord duka for ein kveld med skikkeleg innsats! Lærarane på Strunkeveko er mellom dei fremste folkemusikarane og -dansarane ein kan oppdrive, og saman bidreg dei til auka rekruttering og samhald i miljøet. Tradisjonen tru startar dei veka med å halde konsert for elevane, foreldre og alle andre som vil høyre. 

Medverkande på konserten, er Martin Myhr, Tom Kjetil Tørstad, Sina Myhr, Camilla Granlien, Sigrid Jore, Anne Hytta, Jan Beitohaugen Granli, Håkon Høgemo, Ingvild Blæsterdalen, Tron Steffen Westberg, Asgeir Blaavarp Heimdal, Anders Aasberg, Bjørnar Blaavarp Heimdal og Stian Roland.

2. august: Fest og moro!  Kappleik høyrer med på sommarkurset Strunkeveko, men også sjokolade! Sjokoladekappleiken har kvart år ulike tema, her er det meste lov, og både elevar og lærerar let kreativiteten blomstre vilt. I og med at Strunkeveko blir arrangert for 20. gong må ein sjølvsagt dra til med ein ordentlig fest på årets sjokoladekappleik. Poengsummar er bytta ut med konfekt og nervar med feststemning! Kven har årets artigaste innslag, og kven vinn prisen for beste kostyme? Med tema fest og moro kan sjokoladekappleiken bli ordentlig festlig!

4. august: Undervegs er avslutningskonserten til Strunkeveko. Årets avslutningsframsyning er inspirert av kjeldematerialet og syner korleis dei unge tek med seg arkivmaterialet inn i si eiga tid.

Gle deg til ei artig og fin framsyning! Produsent for avslutningskonserten er superstrunk og hallingdansar Martin Myhr.