Kurs eller småkurs? I år kan du sette saman di eiga kurspakke på Hilme.
Jørn Hilme-stemnet har ei rikhaldig kurspakke i spel og dans. Her kan du velje mellom kortare småkurs, lengre fordjupingskurs og eit svært rikhaldig seminar.
Foto: Cathrine Dokken
På Jørn Hilme-stemnet møtest publikum og artistar på tvers av generasjonar. Difor legg vi til rette for gode rekrutteringstiltak for vaksne i både spel og dans. Vi tilbyr kurs for vidarekomne og for dei som er heilt ferske. Mange er interesserte i å lære meir av noko dei begynte på i ungdomen, og somme er ute etter eit miljø der dei kan finne andre med same interesse.
Vi tilbyr kurs i tradisjonar som høyrer heime i Valdres, men òg tradisjonar frå andre delar av landet. I sommar kan du lære valdresspringar, gamaldans, pols, langeleik, hardingfele, fele, seljefløyte og song. Du har også moglegheiten til å vere med på eit stølseventyr på Olestølen med kurs i lokking, og det blir eit seminar om dansen og musikken rundt Filefjell. Det blir med andre ord ei mangfaldig kurspakke med noko for ein kvar smak.
Nytt i år er at du kan bygge opp di eiga kursrekke. Dei ulike kursa som går føre seg onsdag til fredag på Valdres folkemuseum er avlsuttande kvar dag, slik at du velje å vere ein, to eller tre dagar, og sjølv plukke deg ut dei kursa du ynskjer.
Meir informasjon om dei ulike kursa, samt påmelding, kjem snart!
Program:
MÅNDAG 7. JULI
11.00-16.00 Stølseventyr med lokkekurs, stølskost og konsert
ONSDAG 9. JULI
12.00-15.00 Seminar «Dansen og spelet rundt Filefjell»
15.30 – 18.00 Ulike småkurs på Valdres folkemuseum
TORSDAG 10. JULI
11.00-15.00 Seminar «Dansen og spelet rundt Filefjell»
14.00-18.00 Fordjupingskurs Valdresspringar vidarekomne
15.30-18.00 Ulike småkurs på Valdres folkemuseum
FREDAG 11. JULI
10.00 – 13.00 Seminar «Dansen og spelet rundt Filefjell»
10.00 – 14.00 Fordjupingskurs Valdresspringar vidarekomne
10.00 – 12.30 Ulike småkurs på Valdres folkemuseum
Velkomen til å lære noko nytt!